طفلان بجلد أخضر ظهرا فجأة… وما قالاه حيّر العالم!

غابه مظلمه و مخيفه

مليانه بالكائنات الغريبه و الاجسام المجهوله

اشباح و ارواح بتتجول على ارضها و بين اشجارها ليل و نهار

وبيتسمع فيها اصوات و صرخات مرعبه مالهاش اى مصدر ولا اى تفسير

كانت مسرح لكتير من الحوادث الغامضه اللى محدش وصل لحقيقتها

وناس كتير دخلت جواها واختفت ومرجعتش تانى 

واللى رجع بيكون فاقد للذاكره ومش فاكر اى حاجه

حنتكلم النهارده عن غابه هويا باكيو المرعبه اكتر مكان مرعب و غامض فى رومانيا

غابه هويا باكيو موجوده فى مقاطعه كلوج التابعه لاقليم ترانسلفانيا فى دوله رومانيا

وعلى فكره الاقليم ده هو الاقليم اللى اتولدت فيه اسطوره دراكولا الشهيره اللى كلنا

 عارفينها

 بيتقال انها اتسمت على اسم راعى غنم اسمه هويا باشيو

كان اختفى زمان هو و قطيع الغنم بتاعه جوه الغابه ومظهرش تانى

مساحتها حوالى 618 فدان

واكتر حاجه بتميزها

هى القصص المخيفه و الحوادث الغامضه اللى حصلت فيها

كانت غابه عاديه جدا

مليانه بالاشجار و النباتات الكثيفه و الحيوانات المتنوعه

و سكانها عايشين فيها بكل بامان و استقرار و مفيش اى مشاكل

لغايه سنه 1960

السنه اللى ابتدت معاها الحوادث الغريبه و الظواهر الغامضه تحصل

و مع الوقت الاحداث دى زادت و اتكررت لدرجه ان السكان الاصليين 

اللى كانوا عايشين فى هدوء و سلام سابوا الغابه و مشيوا

و من ساعتها اشتهرت الغابه و اتحولت للغز كبير

و بقت من اكتر الاماكن المخيفه فى رومانيا

و اتسمت باسماء مختلفه زى مثلث برامودا اليابسه و غابه الزعر

فيه قصص و حكايات كتير اتقالت على لسان السكان المحليين

او حكاها السياح الاغراب اللى زاروا المكان

كلها بتتكلم عن الحوادث والظواهر الغامضه الموجوده فى غابه هويا باكيو 

واحده من الظواهر دى هو انك اول ما بتدخل للغابه

بتحس بالرهبه والخوف من غير سبب واضح

و بتشعر ان فيه حد ماشى وراك و انت مش شايفه

و بتبتدى تسمع اصوات غريبه 

اصوات مرعبه لواحده ست بتصرخ 

او اطفال بيلعبوا و ستات بتضحك

وساعات راجل بيصرخ بصوت عالى و بيطلب المساعده

اصوات واضحه جدا وجايه من مكان مجهول جوه الغابه

و بتكون مخيفه و مرعبه بدرجه كبيره 

ومهما حاولت توصل لمصدرها او تدور عليها

حتفشل و مش حتلاقى اى حاجه

الظاهره التانيه هى ظاهره الدائره الغامضه

ودى عباره عن مساحه دائريه من الارض موجوده فى وسط الغابه

المساحه دى شكلها غريب وفاضيه تماما من اى اشجار او نباتات

ودا خلى بعض العلماء ياخدوا عينات من التربه و يحللوها

علشان يعرفوا ليه الاشجار و النباتات مش بتنموا فى المساحه دى بالذات

بس كل التحاليل و النتايج اللى طلعت كانت طبيعيه و موصلتهمش لاى حاجه

الاكتر غرابه ان اى حد بيدخل المساحه دى او بيقرب منها

قلبه بينقبض وبيحس باحاسيس غريبه منها الخوف الشديد 

بالاضافه لعجزه عن تحديد المده اللى قضاها جوه المساحه دى

وفيه بعض المشاهدات لاضواء غريبه واجسام مجهوله بتطير فوق المنطقه 

زى مشاهده الجندى اميل بارنيا سنه 1968

لجسم غريب طاير فوق الغابه وكمان قدر يصوره 

ومع الوقت زادت المشاهدات

وكان اخرها مقطع فيديو مدته 27 ثانيه

صوره اتنين من السان سنه 2002 

المقطع ده كان لجسم غريب اسطوانى الشكل شبه السيجار طوله حوالى 50 متر

كان طاير لاعلى فوق نفس المنطقه و بعدين اختفى جوا سحابه رماديه

مشاهدات غريبه محدش قدر يفسرها 

ودا خلى الناس تهتم اكتر بموضوع الاطباق الطائره والفضائيين

لدرجه ان بعضهم اكد ان المساحه الخاليه دى 

هى مهبط للاطباق الطائره و السفن الفضائيه

و اشتهرت الدائره الغامضه شهره واسعه

و بقت محور اهتمام العلماء و المهتمين بدراسه الخوارق و الظواهر الغير طبيعيه

الظاهره او القصه التالته هى قصه شبح العروسه

و بتحكى عن بنت كانت بتتمشى مع خطيبها بالقرب من الغابه المخيفه 

و فجاه بتسيب خطيبها و بتمشى بسرعه فى اتجاه تانى و بتدخل جوه الغابه 

حاول خطيبها انه يلحقها بس فشل

كانت خلاص اختفت وسط الاشجار الكثيفه و مبقاش ليها اى اثر

حتى فرق البحث و الانقاذ اللى دورت عليها موصلتش لاى نتيجه

البنت اختفت خالص و محدش عارف ايه اللى حصلها

و بعد ما خطيبها و اسرتها فقدوا الامل فى رجوعها

بنوا نصب تذكارى فى المكان اللى اختفت فيه تخليدا لذكراها

اللى بيتقال بقى ان شبح البنت دى موجود و ساكن فى الغابه

وانها اتشافت اكتر من مره و هى لابسه فستان ابيض من بتوع الزفاف و بتنادى على خطيبها

وانها بتظهر للستات بس

ولو شافت اطفال بتشور لهم هى بتبتسم

و اتسمت باسم شبح العروس بواسطه السكان الاصليين

اما الظاهره الرابعه فهى تكرار حوادث الاختفاء الغامضه

وفيه قصص كتير عن ناس دخلوا جوه الغابه المسكونه دى

و اختفوا و مظهروش تانى

واللى بيظهر منهم و بيخرج من الغابه مش بيخرج سليم

بيكون مصاب بطفح جلدى و حروق على جسمه بالاضافه لفقدان الذاكره

مش فاكر اى حاجه من اللى حصلتله ولا كان فين كل المده دى

واشهر حادثه اختفاء فى الغابه هى اختفاء طفله عندها 5 سنين

اهلها دوروا عليها كتير وفى كل حته فى الغابه من غير نتيجه

و بعد فتره كبيره ياسوا و اعلنوا وفاتها

و بعد خمس سنين تحصل المفاجاه و البنت تظهر

الغريب انها مكنتش فاكره اى حاجه ولا كانت فين طول ال خمس سنين اللى فاتت

اسطوره تانيه بتقول ان الاحداث الغامضه اللى بتحصل فى الغابه

سببها الاف الفلاحين الفقراء اللى رفضوا الانضمام للحملات الصليبيه و يروحوا للحرب

فاتعذبوا واتقتلوا بطريقه بشعه واتمثل بجثثهم و اندفنوا فى غابه هويا باكيو  

فاتحولوا الى اشباح معذبه بتسكن الغابه

وبتظهر بالنهار عكس المعروف عن الاشباح اللى بتظهر عاده بالليل 

وان المكان اللى بتكون فيه بيتكسى بالضباب الكثيف

 و ان عيونها حاده لونها ازرق مخضر

ودا طبعا حسب كلام السكان المحليين اللى ساكنين فى اماكن قريبه من الغابه

نيجى بقى للقصه الاشهر

زى ما قولنا فى بدايه القصة

اقليم ترانسلفانيا هو مهد او مكان اسطوره دراكولا مصاص الدماء

دراكولا الحقيقى كان اسمه فلاد الثالث

ومكنش مصاص دماء بالمعنى الحرفى للكلمه

ولكنه كان امير رومانى محب للدماء و القتل

كان بيستمتع بتعذيب الضحايا و قتلهم و التمثيل بجثثهم

و كانت ابشع طرقه فى التمثيل بالجثث 

هى وضعها على عصيان طويله او خوازيق

علشان كده اتسمى بفلاد المخوزق 

و سبب شهرته هى روايه دراكولا المعروفه للكاتب برام ستوكر

اما عن علاقته بالغابه الملعونه هويا باكيو

فالاسطوره بتقول ان بعد قتله وقطع راسه بواسطه العثمانيين

تم دفن جسمه فى السر فى مكان مجهول وسط الغابه

وان روحه المعذبه و الغاضبه لسه موجوده و بتتجول فى المكان

وصلنا كده لنهايه القصه و معانا اسئله كتير

هل اللى بيحصل فى الغابه ده حقيقى ولا مجرد اساطيرو حكايات شعبيه

ولو حقيقى فايه هو التفسير

و طبعا العلم عند الله سبحانه و تعالى عالم كل شئ

الى اللقاء فى قصة جديدة ان شاء الله

والسلام عليكم و رحمه الله و بركاته 

تعديل المقال