طفلان بجلد أخضر ظهرا فجأة… وما قالاه حيّر العالم!

من الاحاسيس الغريبه اللى ممكن تكون عدت عليك وحسيت بيها

انك تكون داخل لمكان معين لاول مره فى حياتك

وفجاه تحس ان المكان ده مش غريب عليك

وانك جيت هنا قبل كده

بس مش فاكر امتى

او انك تكون بتقابل شخص عمرك ما شوفته 

وتحس انك عارفه ومتاكد ان دى مش اول مره تقابله فيها

بس مش قادر تحدد شوفته امتى و فين

او انك تكون بتعيش موقف معين

 ويجيلك احساس انك عشت الموقف ده قبل كده بكل تفاصيله

نفس الاشخاص

نفس الكلام

نفس المكان اللى قاعد فيه

ليه بنحس بالاحاسيس دى وايه هى اسبابها

تابع معايا القصة علشان تتعرف على ظاهره غريبه جدا

اسمها ظاهره الديجافو

او وهم سبق الرؤيا

ويلا بينا نبدأ

ديجافو هى كلمه فرنسيه معناها قد حدث من قبل او شوهد من قبل 

وهى ظاهره الاحساس بسابق معرفه مع حاجه معينه بتعيشها فى الوقت الحاضر

مع ان الحاجه دى اول مره تحصلك 

يعنى مثلا ممكن تكون قاعد مع اسرتك او مع اصحابك فى مكان معين اول مره تروحه

وفجأه وانتوا بتتكلموا تحس ان الموقف اللى بيحصل دلوقتى ده

بنفس الناس بنفس الكلام اللى بيتقال بنفس المكان اللى انتوا قاعدين فيه

عدى عليك قبل كده

لدرجه انك ممكن تبقى عارف اللى حيحصل او ايه هو  الكلام اللى حيتقال بعد ثوانى

طب ازاى وانتوا اول مره تيجوا المكان ده مع بعض

او مثلا ممكن تكون بتقابل حد لاول مره

ولسه حتتعرف عليه

وفجاه يجيلك احساس ان الشخص ده انت عارفه كويس

وان التعارف ده حصل قبل كده فى نفس المكان و بنفس التفاصيل

طب ايه هو سر الظاهره الغريبه دى

وهل هى مؤشر على الاصابه بمرض معين 

ولا حاجه طبيعيه بتحصل لناس كتير

ظاهره الديجافو هى ظاهره عامه و منتشره 

و بتحصل لحوالى 65 فى الميه من البشر على الاقل مره واحده فى حياتهم

و مبتحصلش او مبيحسش بيها الا الاشخاص اللى عندهم اكتر من 8 سنين

و مع بلوغ سن العشرين بتبدا الظاهره دى فى الزياده بالتدريج

وبعدين بتبدا فى التلاشى و التراجع لما بيوصل عمر الانسان ل 70 سنه

ودا خلى بعض العلماء يعتقدوا ان ليها صله بمراحل بنمو الدماغ

ففى مرحله الطفوله و البلوغ بيكون معدل نمو الدماغ بطئ نسبيا

و بعدين المعدل ده بيزيد مع التقدم فى العمر و الوصول لمرحله الشباب

و بيرجع المعدل يقل تانى مع وصول الانسان لمرحله متقدمه من العمر او وصوله لسن الشيخوخه 

وبما ان الظاهره دى بتحصل للانسان فجاه و من غير اى مقدمات

فكان من الصعب على العلماء دراستها او الوصول لسبب مؤكد بيخليها تحصل

بس دا ممنعهمش من وضع بعض التفسيرات المبدئيه اللى ممكن تكون سبب منطقى للديجافو 

وكان اول تفسير هو ان ظاهره الديجافو ليها ارتباط بمرض الصرع اللى بيصيب الانسان

او الاصابه بحالات التوتر او القلق الشديد لبعض الاشخاص

او ان فيه بعض الادويه ممكن تكون سبب فى اصابه الانسان بالديجافو

بس زى ما قولنا دى كانت مجرد تفسيرات مبدئيه للظاهره 

اما عن النظريات العلميه اللى حاول بيها العلماء تفسير او فهم ظاهره الديجافو

ففيه نظريه اسمها نظريه المعالجه المزدوجه فى المخ

و النظريه دى بتقول

ان فيه منطقتين فى المخ مسئولين عن تخزين الذكريات

منطقه منهم بتخزن الاحداث و الذكريات القريبه قصيره المدى

يعنى اللى حصلت من فتره قصيره نسبيا من الزمن

و المنطقه التانيه مسئوله عن الاحتفاظ بالذكريات القديمه بعيده المدى

يعنى الاحداث و الذكريات اللى حصلت من فترات زمنيه بعيده

و بيقوم المخ بعمليتين من تخزين الذكريات فى المنطقتين دول فى نفس التوقيت مع بعض

بس لما بيحصل خلل فى التوقيت او التزامن بين عمليتين التخزين دول

بيخزن المخ الحدث اللى بيحصل دلوقتى فى منطقه الذكريات البعيده او الذاكره بعيده المدى 

و بعدها بجزء من الثانيه

بيخزن نفس الحدث فى المنطقه التانيه الخاصه بالذكريات القريبه او الذاكره قصيره المدى

ودا بيخلى المخ يحس بان الحدث اللى بيحصل دلوقتى حالا

هو حدث قديم حصل قبل كده و متخزن عنده فى الذاكره الطويله

مع انه فى الواقع حدث جديد بيحصل فى الوقت الحاضر فعليا

و محصلش قبل كده ولا حاجه

اما النظريه التانيه

فبتفترض ان الديجافو بيحصل نتيجه خلل فى واحده من عمليات الجهاز العصبى للانسان

و النظريه دى ببساطه بتقول ان الانسان لما بيشوف منظر معين

عنين الانسان بتلقط المنظر ده

و كل عين من الاتنين بتبعت لوحدها اشاره بنفس بيانات المنظر اللى شافته للقشره البصريه الموجوده فى المخ    

كل عين بتبعت اشاره لوحدها

و المفروض ان الاشارتين يوصلوا للمخ بنفس البيانات و فى نفس التوقيت بالظبط

ولما بيحصل خلل فى التوقيت و بتتاخر عين من الاتنين فى ارسال اشارتها للمخ

دا معناه ان المخ بيستلم نفس الاشاره مرتين ورا بعض

مره من العين دى و مره من العين التانيه 

ودا بيخلى المخ يحس انه شاف المنظر او الشخص ده

او عاش نفس الموقف اللى بيحصل دلوقتى قبل كده

ودا لانه لما بيستلم الاشاره التانيه اللى وصلته متاخره

اتعامل مع الاشاره الاولى على انها ذكريات

و بيقارن بينها و بين الاشاره التانيه

و هنا بيحس الانسان بالديجافو

واخر نظريه هى نظريه الالفه

و معناها ان الموقف اللى انت بتعيشه دلوقتى

مشابه بنسبه كبيره لموقف قديم عشته فعلا قبل كده 

ودا بيخليك تقارن بين الموقفين 

و تحس ان الاتنين واحد وان الموقف ده حصلك فى الماضى

وظهرت بعض التفسيرات الغريبه اللى حاولت دراسه ظاهره الديجافو

واللى بتبعد عن الدين و المنطق و العقل

علشان كده بتعتبر مجرد فرضيات غير مثبته مش اكتر

منها مثلا ان فيه بعض العلماء قالوا ان الجنين و هو فى رحم الام

بيشوف شريط حياته اللى حيعيشها بالكامل

ولما بيمر باحداث معينه اثناء حياته

بيفتكرها مره تانيه

بس طبعا مفيش اى حاجه ممكن تؤيد الكلام ده لا فى الدين ولا فى العلم

و تفسير تانى بيقول ان الديجافو ليه علاقه بالاكوان الموازيه

يعنى ممكن تكون نسخه منك عايشه فى كون موازى تانى للكون بتاعنا عاشت موقف معين

ولما عشت انت نفس الموقف ده فى العالم بتاعنا

حصل تواصل بينك و بين نسختك الموجوده فى العالم التانى

و حسيت انك عشت الموقف ده قبل كده

و تفسير تالت بيقول

ان الديجافو بيحصل نتيجه انك شوفت الحدث ده قبل كده فى احلامك 

و نسيت الحلم ده

ولما حصل الحدث ده فى الواقع افتكرت الحلم المنسى

واخر تفسير هو ان الانسان كان عايش حياه سابقه و ليه فيها ذكريات

و لما بيحصله موقف معين فى حياته الحاليه مشابه لموقف حصله فى حياته السابقه

بيحس بالديجافو

بس طبعا دا مجرد ادعاء غير مقبول 

ولا دينيا ولا حتى بالعقل او المنطق و مالوش اى اساس من الصحه

انواع الديجافو

العلماء قسموا ظاهره الديجافو لتلت انواع

النوع الاول واسمه تمت رؤيته فى السابق

ودا اكتر نوع منتشر بين الناس و بيحصل بنسبه اكبر من النوعين التانيين

اما النوع التانى

فمالوش علاقه بالاحداث او الاماكن او الاشخاص

انما هوعباره عن خواطر او افكار او جمل بتيجى فى بالنا 

و بنحس اننا فكرنا فيها قبل كده 

 

و اخر نوع و هو اندر الانواع و اغربها

و هو ان الانسان ممكن يعرف تفاصيل مكان معين بدقه كبيره

مع انه مكان جديد عليه و اول مره يزوره

و تفضل ظاهره الديجافو ظاهره غريبه تحت الدراسه

الا انها ظاهره طبيعيه و بتحصل لعدد كبير من البشر  

فيا يا ترى انت شخصيا حسيت بالديجافو قبل كده

شكرا ليكم على حسن المتابعه

و السلام عليكم و رحمه الله و بركاته

تعديل المقال