السلام عليكم و رحمة الله و بركاته
اهلا و سهلا بيكم في قصة جديدة
قصتنا النهارده عن سفينة غامضة فقد كل ركابها حياتهم بلا سبب معروف
و لغاية النهارده مفيش اي تفسير او سبب معروف للي حصل على ظهر السفينة دي
تابع القصة و حاول تلاقي تفسير منطقي للغز الغريب ده
ويلا بينا نبدأ القصة
لما بنتكلم عن السفر فى البحر او عن الرحلات البحريه
اول حاجه بتيجى فى بالنا هو منظر البحر الهادئ الجميل
اوالسماء الصافية وهدوء الأعصاب اللى بيصاحب منظر شروق و غروب الشمس ورا
سطح الميه
وأظن ان كتير مننا حابب يعيش التجربه دى علشان يحس بالراحه النفسيه و الهدوء
بس للاسف فيه بعض الرحلات البحريه بتكون غير كده خالص
بل على العكس ممكن تتحول لرحله رعب
زى رحله السفينه اس اس اورانج ميدان و اللى حنحكى قصتها النهارده
إس إس أورانج ميدان:هي سفينة شحن هولندية
وكان كل البحاره اللى شغالين عليها او كل الطاقم بتاعها من الدنمارك
وفى شهر يونيو سنه 1947 اتحركت السفينه دى من موانى الصين فى رحله بحريه
عاديه لكوستاريكا
كانت الرحله طبيعيه و هاديه جدا و مفيش فيها اى مشاكل
و فى يوم مشمس و جميل من ايام شهر يونيو سنه 1947
ولما وصلت السفينه لسواحل مدينه ميدان فى اندونيسيا
تعرضت السفينه للغرق بطريقه غريبه و فى ظروف غامضه
و بيقال ان الاسم ده اطلق على السفينه نسبه الى مكان غرقها
انما مكنش ده اسمها الحقيقى
رسائل استغاثة غامضة
فى اليوم ده كانت الشمس مشرقه و السما كانت صافيه و الجو هادى
و فجأه استقبلت سفينه امريكيه موجوده فى المنطقه نداء استغاثه
النداء بيقول هناك العديد من القتلى على سطح السفينه
وبعد فتره صغيره جت رساله تانيه من نفس السفينه بتقول انا ايضا ساموت
و بمجرد استلام السفينه الامريكيه للرساله الاولى
بلغت السلطات الاندونيسيه بمكان و احداثيات السفينه اللى بعتت الرساله
و على الفور اتحركت شرطه السواحل الاندونيسيه على المكان علشان تقدم المساعده
وكانوا فى الاول فاكرين ان السفينه اللى بتثتغيث دى ممكن تكون بتتعرض للاختطاف
من القراصنه
لان الموضوع ده كان منتشر شويه فى الفتره دى
بس لما وصل رجال الشرطه للسفينه و طلعوا على سطحها
اتفاجاوا بشئ مرعب
....png "سفينة الأشباح \"SS Ourang Medan\" طاقم كامل فقد حياتة في ظروف غامضة ورسالة رعب أخيرة!!")
سفينة الأشباح
لما وصل رجال الشرطه لسطح السفينه
لقوا كل ركاب السفينه ميتين و منتشرين فى كل اتجاه
مكنش فيه اى حد على قيد الحياه
حتى الحيوانات اللى كانت موجوده معاهم كمان كانت ميته
و الاغرب ان كل الناس دى كانت على وجوههم علامات خوف و رعب شديد
كانت عيونهم جاحظه و افواههم مفتوحه على اخرها
المشهد ده خلى رجال الشرطه يحسوا بالرهبه و الفزع
خصوصا ان مكنش فيه اى اثار لاصابات او اعتداءات على الركاب
او اى حاجه تدل على ان السفينه دى اتعرضت لهجوم او اعتداء
مفيش حد عارف ايه اللى ممكن يكون حصل للناس دى
بس من المؤكد انه شئ غريب و مش طبيعى
و ابتدا رجال الشرطه فى تفتيش كل حته فى السفينه
على امل انهم ممكن يوصلوا لاى نتيجه يعرفوا منها اللى حصل
بس مالقوش اى حاجه مفيده او اى دليل ممكن يفسرلهم اللغز الغريب ده
فقرروا سحب السفينه للشاطئ علشان ينزلوا الجثث دى و يفتشوا السفينه بدقه اكبر
ولما بدأ العمال فى تجهيز السفينه علشان يسحبوها للميناء
بدأت كميه كبيره من الدخان و البخار يطلع من قاع السفينه
و فجأه انفجرت السفينه و غرقت بالكامل و نزلت لقاع المحيط و سط دهشه و استغراب
الجميع
أشباح أم غاز الكبريت
الحادثه الغريبه دى كانت العنوان الرئيسى للصحف تانى يوم
وكان تفسيرهم ان الاشباح هى السبب فى اللى حصل للركاب
و فى علامات الرعب اللى كانت موجوده على وشوشهم دى
و بعد كده ظهرت نظريه بتقول ان السفينه المنكوبه دى كان عليها شحنه من حمض
الكبريتيك
و ان فيه غاز اتسرب من الشحنه دى كان السبب فى موت كل الركاب
التفسير ده منطقى و ممكن العقل يقبله
بس لو كان ده صحيح
ليه رجال الشرطه و العمال محسوش بريحه الغاز ده اول ما طلعوا للسفينه
وليه لما فتشوا السفينه مكتبوش فى التحقيق انهم لقوا اى شحنه او اى براميل فيها
حمض الكبريتيك ده
اسئله محيره مالهاش اجابه
وفى الاخر تبقى حقيقه واحده
وهى ان الوحيدين اللى يعرفوا حقيقه اللى حصل على السفينه
هم الركاب اللى ماتوا
علشان تغرق السفينه و يغرق سرها معاها للابد
و علشان حادثه السفينه اس اس اورانج ميدان
و حقيقه اللى حصل على سطحها لغز من الغاز التاريخ اللى محدش قده يحله لغايه
دلوقتى
واخيرا بشكركم جدا على حسن المتابعه و اتمنى ان القصة تكون نالت اعجابكم
والسلام عليكم و رحمه الله و بركاته